ارحم عبيدك ياااا رب
معتقدش ان عمري هنسي الجمله دي والست منصوره بتقولها وهي بتصرخ من شده الالم واحنا بندخلها سن البذل للمره الثالثه في خلال ربع ساعه لانها عندها من فتره ككبيره استسقاء نتيجه لتليف الكبد
ولاعمري هنسي عم رمضان الي عنده 37 سنه وهو طول الليل مش قادر ينام من الالم ولا اي اقوي مسكن قادر يخفف عنه جزء بسيط من العذاب الي هو عايش فيه بسبب سرطان الكبد (HCC)
وعلي فكره هو توفي من حوالي اسبوعين والعمليه الي كانت ممكن تساعده شويه مكنش يملك 3 الاف جنيه تمنها
وعلي عمري هنسي الحاجه زينب الي بكل بساطه كانت قاعده بتشرب الشاي مع عيالها وانفجر شريان في مخها بسبب الضغط العالي وحضرت عندنا في المستشفي وهي في غيوبه وبعد اسبوع دخلت في سده رئويه
Pulmonary Embolism))
وماتت ادامي بعد ما انا وكمان دكتور عملنا لها (CPR)انا بصلتها وسبحان الله هي كانت قاعده بتشرب الشاي وسبحان مغير الاحوال
وكلنا مش بعيد عن حاجه ممكن تحصلنا زي دي
ولاعمري هنسي الحج عبدالله الي توفي بعد انتشار سرطان القولون في جسمه كله وانا طلعت انا ودكتور تاني نعمله Flat ECG
يعني نعمله رسم قلب يظهر فيه خط واحد زي كده_______________
علشان يتحط في ملف علاجه ان هو مات انا بقيت ببصله واقول لنفسي
يا تري هو نازله دلوقتي ملائكه الرحمه ولا العذاب يا تري
لوكان عنده ملاييين واموال الدنيا اهو خلاص سابها لوكان بيخلوا بمحارم ربنا وينتهكها في شغله في جامعته علي النت في موقع حرام اهو خلاااص راحت لذه كل الحاجات دي وفاضل ان هو يتسال عنها خلاااص كل شيء حلو كان بيستمتع بيه في الدنيا انتهي لو كان لاهي عن طاعه ربنا وبيني دنيته وخارب اخرته اهو خلاص راح لها احنا هنفضل لحد امتي ناسين الحديث ده
عن أنس رضي الله عنه قال : قال النبي صلى الله عليه وسلم : " من كانت الآخرة همه جعل الله غناه في قلبه و جمع له شمله و أتته الدنيا و هي راغمة ، ومن كانت الدنيا همه جعل الله فقره بين عينيه و فرق عليه شمله و لم يأته من الدنيا إلا ما قدر له " . ‌
رواه الترمذي ( 2389 ) وصححه الشيخ الألباني في " صحيح الجامع " ( 6510 ) .
لحد امتي هنفضل متكاسلين الحديث ده
عن أبى هريرة رضى الله عنه أن رسول الله صلى الله عليه وسلم قال :

(( بادروا بالأعمال الصالحة فستكون فتناً كقطع الليل المظلم ‘ يصبح الرجل مؤمناً
ويمسى كافراً ويمسى مؤمناً ويصبح كافراً ‘ يبيع دينه بعرضٍ من الدنيا )) رواه مسلم
ولا احنا مستنين
حَتَّى إِذَا جَاء أَحَدَهُمُ الْمَوْتُ قَالَ رَبِّ ارْجِعُونِ{99} لَعَلِّي أَعْمَلُ صَالِحاً فِيمَا تَرَكْتُ كَلَّا إِنَّهَا كَلِمَةٌ هُوَ قَائِلُهَا وَمِن وَرَائِهِم بَرْزَخٌ إِلَى يَوْمِ يُبْعَثُونَ{100}
لا اريد ان اقسم مفيش كلمه من الي كتبتها محصلتش الا وادام عيني من خلال عملي كطبيب امتياز في المستشفي الميري بالاسكندريه في قسم الكبد وطؤاريء الباطنه
ونصيحه اخويه لكل اخ واخت اي حد عاوز يرق قلبه ويتعلق بالاخره وسيب دار الشقاء الي اسمها الدنيا يروح اقسام الطؤاري في كل مستشفي
وده مقطع اهديه لكل مريض وكل مبتلي
اما اهل العافيه فاحب ان اهديهم